ՀՀ առողջապահության նախարարությունում քննարկվել են էլեկտրոնային առողջապահական համակարգի հնարավորությունների ընդլայնման ուղղությամբ ընթացիկ տարում նախատեսվող քայլերի հստակեցմանը վերաբերող հարցեր։ Այս մասին տեղեկացրին ՀՀ առողջապահության նախարարության հասարակայնության հետ կապերի բաժնից։
Հաղորդագրության մեջ նշված է. «Առողջապահության ոլորտում շարունակվում են բեկումնային փոփոխությունների տանող ծրագրերը։ Այս համատեքստում կարևոր ռազմավարական նշանակություն ունի Էլեկտրոնային առողջապահական համակարգի հնարավորությունների ընդլայնումը։
«2018 թվականին համակարգում ներբեռնումներ կատարողների թիվըմեծապես կավելանա։ Հետևաբար, մենք պետք է կազմակերպենք այդմասնագետների ուսուցումը»,-նախարարության պատասխանատուներին ասել է նախարար Լևոն Ալթունյանը հարցի քննարկման ժամանակ։ Նախարարը կարևորել է կրթական ծրագրերի մշակումը' ըստ մակարդակների։
ՀՀ ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրեն Արտավազդ Վանյանն առաջարկել է կրթական ծրագրերում որպես դասավանդողներ ընդգրկել կառույցի այն մասնագետներին, ովքեր տարբեր ծրագրերի շրջանակում նման փորձառություն են ձեռք բերել։
ՀՀ ԱՆ Դեղերի և բժշկական տեխնոլոգիաների փորձագիտական կենտրոնի տնօրեն Հակոբ Թոփչյանը պատրաստակամություն է հայտնել առկա տեխնիկական հնարավորությունները տրամադրելու դեղագետների ուսուցումը կենտրոնում կազմակերպելու համար։ Առաջարկները հավանության են արժանացել։
Քննարկվել են էլեկտրոնային առողջապահական համակարգի հնարավորությունների ընդլայնման ուղղությամբ ընթացիկ տարում նախատեսվող քայլերի հստակեցմանը վերաբերող հարցեր։
Լևոն Ալթունյանը հանձնարարականներ է տվել առկա նյութերի հիման վրա կրթական ծրագրեր մշակելու, ուսուցումն անհրաժեշտ մակարդակով կազմակերպելու վերաբերյալ»։
