![](http://mediamall.am/timthumb.php?src=upload/185125.png&w=300&h=200&mt=1519203111)
Փետրվարի 20-ին ոստիկանության կազմակերպված հանցավորության դեմ պայքարի գլխավոր վարչության թմրամիջոցների անօրինական շրջանառության դեմ պայքարի վարչությունում ապօրինի թմրաշրջանառության վերաբերյալ տեղեկություններ են ստացվել։
Օպերատիվ տվյալներն իրացրել են ոստիկանության տարբեր ստորաբաժանումների և ՊԵԿ մաքսանենգության դեմ պայքարի վարչության ծառայողները։ Արդյունքում ոստիկանություն են բերման ենթարկվել 3 օտարերկրացի։
Հարուցված քրեական գործի շրջանակում խուզարկություններ են կատարվել: Հայտնաբերվել են մետանֆետամին տեսակի թմրամիջոցի նմանվող ընդհանուր 370-ից գրամից ավելի զանգվածներ, 56 ամբողջական, 12 մասնատված դեղահաբեր, 160 գրամից ավելի դեղնավուն զանգված՝ ծաղկամանի մեջ քողարկված, ներարկիչ, կաթոցիչներ և այլն։
Հայտնաբերվածն ուղարկվել է ոստիկանության փորձաքրեագիտական վարչություն։
Նշանակվել են փորձաքննություններ։
Հանգամանքները, հետախուզական միջոցառումներով ու քննչական գործողություններով, պարզվում են։
![](http://lurer.com/disc/21-02-18/5bf44bf2719bb1b73d5c71d313604635.jpg)
![](http://lurer.com/disc/21-02-18/8ac5f7c2df51a48eae7efe9e3c7a2279.jpg)
![](http://lurer.com/disc/21-02-18/866527030a5e5bac4f4424088c8bdf7f.jpg)
![](http://lurer.com/disc/21-02-18/624d2eb8b4138479e58ec65c36f7dfcc.jpg)
![](http://lurer.com/disc/21-02-18/cd11e6300bb67ef4f53966fad38e90bf.jpg)
![](http://lurer.com/disc/21-02-18/561cf3d5ef464de45bcab417f214f64c.jpg)