Ազգային ժողովի նախագահ Արա Բաբլոյանը Սահմանադրական դատարանի նախագահի պաշտոնում առաջադրել է Հրայր Թովմասյանի թեկնածությունը: Այս մասին նշեց Ազգային ժողովի լրատվության և հանրության հետ կապերի վարչության պետ Արսեն Բաբայանը:
Սահմանադրական դատարանի նախագահի ընտրությունը խորհրդարանում տեղի կունենա գործող կարգով, քանի որ նոր Սահմանադրության անցումային դրույթները դեռևս ուժի մեջ չեն մտել:
Խորհրդարանում Սահմանադրական դատարանի նախագահի ընտրությունը տեղի կունենա առաջիկա քառօրյա նիստի ընթացքում` մարտի 20-23-ը:
Ազգային ժողովը մարտի 2-ին կողմ էր քվեարկել Սահմանադրական դատարանի նախագահի պաշտոնում Հրայր Թովմասյանի թեկնածությանը:
Ազգային ժողովի նախագահ Արա Բաբլոյանը ստորագրել է արձանագրություն, որով մարտի 8-ից դադարել են Գագիկ Հարությունյանի լիազորությունները Սահմանադրական դատարանի նախագահի պաշտոնում: Նա ընտրվել է Բարձրագույն դատական խորհրդի անդամ, ապա՝ նախագահ:
