«Գազպրոմ Արմենիա» ՓԲԸ-ն տեղեկացնում է, որ վերանորոգման, ներմիացման աշխատանքներ կատարելու նպատակով հուլիսի 24-ի ժամը 9:00-ից մինչև հուլիսի 25-ի ժամը 19:00-ն դադարեցվելու է Երևանի Նոր Նորք վարչական շրջանի, Նորք Մարաշ վարչական շրջանի 7-րդ, 13-րդ, Հովսեփյան փողոցների, Դավիթ Բեկի փողոցի հարակից տարածքների, ինչպես նաև Կոտայքի մարզի Ջրվեժ համայնքի և Բագրևանդ թաղամասի գազասպառողների գազամատակարարումը: Այս մասին տեղեկացրին «Գազպրոմ Արմենիա»-ի հասարակայնության և ԶԼՄ-ների հետ կապերի ծառայությունից:
«Հայցում ենք գազասպառողների ներողամտությունը և խնդրում ենք պահպանել անվտանգության կանոնները:
Գազանջատման և գազամատակարարման վերականգնման վերաբերյալ լրացուցիչ տեղեկություններ ստանալու նպատակով զանգահարեք 1-04 հեռախոսահամարով»,- ասվում է հայտարարության մեջ:
