Այսօր՝ դեկտեմբերի 4–ին, մամուլի ասուլիսի ժամանակ, ՀՀԿ նախընտրական ցուցակի 3-րդ հորիզոնականը զբաղեցնող, անկուսակցական Դավիթ Շահնազարյանը ՀՀ վարչապետի պաշտոնակատար Նիկոլ Փաշինյանին բանավեճի հրավիրեց։

«Ես ամբողջապես պատասխանատու եմ իմ, մասնավորապես, այսօր ասված ամեն ասած բառի և փաստի համար։ Եթե վարչապետը համարում է, որ իմ ասած որևէ բառ չի համապատասխանում իրականությանը, ես նրան հրավիրում եմ այսօր բաց, հրապարակային բանավեճի։ Նա ժամանակ ունի մինչև այսօր՝ 18։30 Հ1-ի ուղիղ եթերում՝ իրենց դաշտում։ Նախատեսված է, որ ես այսօր լինեմ Պետրոս Ղազարյանի հյուրը, բայց ես նրան էլ եմ հրավիրում»,-ասաց Շահնազարյանը։