Արհեստական ինտելեկտի էվոլյուցիան նպաստում է տեխնոլոգիաների զարգացմանը, սակայն բարոյագիտական հարցեր է բարձրացնում: Այս մասին հայտարարել է Տնտեսական համագործակցության եւ զարգացման կազմակերպության ղեկավար Անգել Գուրիան:
Նա նշել է, որ Միացյալ Նահանգների կողմից հավանության արժանացած սկզբունքները պահանջում են, որպեսզի արհեստական ինտելեկտի համակարգերն արդար, թափանցիկ լինեն:
«Արհեստական ինտելեկտը պետք է օգտագործվի ոչ միայն մարդկանց բարօրության համար, այլ նաեւ տեխնոլոգիաները պետք է աջակցեն օրենքի գերակայությունը, մարդու իրավունքները, ժողովրդավարական արժեքները եւ բազմազանությունը: Չնայած արհեստական ինտելեկտը լավատեսություն է խթանում, այն նաեւ անհանգստություն եւ բարոյագիտական խնդիրներ է առաջացնում»,- ասել է Գուրիան:
