ՀՀ ԱԺ աշխատակազմի ղեկավար-գլխավոր քարտուղար Տիգրան Գալստյանն իր ֆեյսբուքյան էջում մանրամասներ է ներկայացրել ԱԺ-ում տեղի ունեցած քննարկումից․
«Այսօր ՀՀ Ազգային Ժողովում քննարկեցինք ՀՀ Ազգային ժողովի 2020-ի բյուջետային հայտը: Ուրախ եմ արձանագրել, որ քննարկման մասնակիցները կիսեցին իմ տեսլականը հաջորդ տարում էապես ավելացնել նոր ժամանակակից տեխնոլոգիաներով և տեխնիկայով ՀՀ Ազգային ժողովի և աշխատակազմի հագեցվածությունը:
Նշեմ, որ քիչ թե շատ ժամանակակից համարվող համակարգիչներով, ներառյալ այս տարվա գնումները, ՀՀ Ազգային ժողովը հագեցված է ընդամենը 27%-ով: Նպատակադրվել ենք հաջորդ տարի այն դարձնել 41․9%:
Նպատակների շարքում է նաև սերվերային համակարգի հզորացումը (արդեն իսկ անվճար ստացել ենք 4 նոր գերժամանակակից սերվերներ):
Ավելին, դեռևս 2010-ին տեղադրված նիստերի դահլիճի քվեարկության և սպասարկման համակարգի արդիականացման համար բանակցում ենք Koika Հարավկորեական ընկերության հետ, որոնք ցանկանում են անվճար տրամադրել բազմաթիվ սարքավորումներ»,- գրել է նա:
