Հունվարի 6-ին, ժամը 12.55-ին ոստիկանության Կոտայքի բաժնում ահազանգ էր ստացվել, որ Ձորաղբյուր գյուղի տներից մեկում հանկարծամահ է եղել 59-ամյա Սաղաթել Սաղաթելյանը։

Ոստիկանությունից հայտնում են, որ մեկնած օպերատիվ խումբը պարզել է, որ Սաղաթել Սաղաթելյանը 2008 թ. սեպտեմբերի 9-ից ոստիկանության Արաբկիրի բաժնի կողմից հետախուզվում էր ՀՀ քրեական օրենսգրքի 139-րդ հոդվածի (Սեքսուալ բնույթի բռնի գործողությունները) 2-րդ մասի 3-րդ կետի, 266-րդ հոդվածի (Թմրամիջոցների, հոգեմետ (հոգեներգործուն) նյութերի եւ դրանց պրեկուրսորների ապօրինի շրջանառությունն իրացնելու կամ պատրաստելու նպատակով կամ դրանց ապօրինի իրացնելը) 1-ին մասի եւ 272-րդ հոդվածի (Թմրամիջոցների կամ հոգեմետ (հոգեներգործուն) նյութերի գործածմանը հակելը կամ ներգրավելը) 2-րդ մասի 1-ին եւ 3-րդ կետերի մեղադրանքներով: