Հնարավորություններս թույլ չեն տվել, որ ես կարողանամ այս գործին ընթացք տալ։ Այս մասին այսօր՝ հունվարի 10-ին, Գլխավոր դատախազության առջև ասաց Ապօրինի որդեգրման գործով տուժող մայրերից մեկը։
«1999 թվականին՝ իմ ծննդյան օրը, զույգ տղա եմ ունեցել։ 1999 թվականից իմ բնազդը երբեք ինձ չի խաբել։ Ես միշտ երազ եմ տեսնում, որում երեխաներս ասում են՝ մամա մենք ողջ ենք, արի մեզ գտի։ Իմ երեխաները մահացած չեն ծնվել, ուղղակի 7 ամսական են ծնվել։ Իմ տղաներին ողջ վիճակում տեսել եմ»,-ասաց տուժող մայրը։
Հարցին, թե երեխայի դիակները տեսե՞լ է, մայրը պատասխանեց․ «Ոչ, չեմ տեսել, ցույց չեն տվել և ասել են էդ էլ մեր լավությունը, որ ցույց չենք տվել կապտած դիակները»։
«Ես այն ժամանակ ուզում էի բողոքեի, սակայն Արդարադատության նախարարությունից 15 000 դոլար ուզեցին գործը բացահայտելու համար»,-նշեց մայրը։
Տուժող մայրը նշեց, որ մինչև Գլխավոր դատախազը չիջնի իրենք այդտեղից չեն գնա։
