Չորեքշաբթի Իրանի Կում քաղաքում նոր տեսակի կորոնավիրուսից մահացած երկու իրանցիները շփում չեն ունեցել Չինաստանի քաղաքացիների կամ Չինաստանից ժամանած մարդկանց հետ: Այս մասին հայտնում է RIA Novosti-ն՝ հղում անելով Իրանի Առողջապահության նախարարության ինֆեկցիոն հիվանդությունների հարցերով կոմիտեի անդամ Մասուդ Մարդանին: Նշվում է, որ մահացածներն իրանցիներ են, Կումի բնակիչներ։

Նախարարությունը տեղեկություններ չի ստացել երկրի այլ մասերում վարակման դեպքերի մասին։ Ներկայում մասնագետները փորձում են պարզել, թե ինչպես կարող էր վիրուսը փոխանցվել նրանց։

shantnews.am