«Դոմոդեդովո» օդանավակայանում հավաքվել են Հայաստանի հարյուրավոր քաղաքացիներ, որոնք անօթևան են կամ այլ տարածաշրջաններից են եկել Մոսկվա՝ Երևան մեկնելու համար: Նրանց մի մասին հաջողվեց օրեր առաջ չարտերային չվերթով ուղարկել: Մնացած քաղաքացիներին, որոնց թիվը հատում է 300-ը, դեսպանությունը հորդորում էր տեղափոխվել հյուրանոցներ և մերձմոսկովյան հանրակացարաններ, սակայն նրանք չընդունեցին առաջարկված օգնությունը, օրեր շարունակ նրանց կեցավայրն այս օդանավակայանն էր: Այսօր ՀՀ 203 քաղաքացի հնարավորություն ստացավ վերադառնալ Հայաստան «S7» ավիաընկերության կողմից իրականացվող Մոսկվա-Երևան չարտերային թռիչքով: