Մենք առաջիկայում առնվազն մեկ անգամ կերկարացնենք արտակարգ դրությունը: Այս մասին պարետատան նիստից հետո կայացած ճեպազրուցում հայտարարեց ՀՀ վարչապետ Նիկոլ Փաշինյանը:

 

«Իրավիճակն ինքը բերում է լուծումների, սակայն մենք մյուս կողմից հասկանում ենք, որ չենք կարող անվերջ արտակարգ դրությունը երկարացնել: Եթե ամեն ինչ այսպես գնա, ըստ ամենայնի, առնվազն մեկ անգամ արտակարգ դրությունը կերկարացնենք, բայց նաև արտակարգ իրավիճակների մասին օրենսդրությունը կփորձենք կատարելագործել այնպես, որ արտակարգ դրության ռեժիմի վերացման պայմաններում գործիքներ ունենանք արտակարգ իրավիճակների ռեժիմում որոշակի հակահամաճարակային քաղաքականություն վարել»,- ասաց նա: