Ադրբեջանի արտաքին գործերի նախարարության հյուպատոսական վարչության պետ Ֆայգ Բագիրովը ձերբակալվել է Բաքվում կաշառք ստանալու մեղադրանքով, հայտնել է իրավապահ մարմինների աղբյուրը: «Նրան մեղադրանք է առաջադրվել 179.3.2-րդ հոդվածներով (խոշոր չափերի հափշտակություն), 308.1-ին (պաշտոնեական լիազորությունները չարաշահելը) և 311.3.2-ը (խոշոր չափերով կաշառք վերցնելը)», - ասել է աղբյուրը:
Ավելի վաղ՝ Ադրբեջանի պետական անվտանգության ծառայությունը գործողություն էր անցկացրել Արտաքին գործերի նախարարությունում: Արդյունքում՝ աշխատակազմի ղեկավար Ֆարհադ Մոլլազադեն, նախարարության մրցութային հանձնաժողովի ղեկավարը, տնտեսական հարցերով վարչության պետ Սալիմ Ալիզադեն և հյուպատոսական վարչության հյուպատոսական և իրավաբանական բաժնի պետ Նուրուպաշա Աբդուլաևը կասկածվում են ապօրինի գործողություններ կատարելու մեջ: Ֆարհադ Մոլլազադեն և Սելիմ Ալիզադեն մեղադրվում են պաշտոնեական դիրքի չարաշահման, յուրացման, կաշառքի, Նուրուպաշա Աբդուլաևը՝ կաշառք ստանալու փաստի առթիվ: Ըստ դատարանի՝ նրանց նկատմամբ որպես խափանման միջոց՝ ընտրվել է կալանքը։