Հուլիսի 12-ից սկսած մինչեւ երեկ գիշեր մեր զինված ուժերը խոցել են հակառակորդի թվով 13 ԱԹՍ-ներ, որոնցից 10-ը հարվածային եւ 3-ը՝ հետախուզական: Այս մասին այսօր՝ հուլիսի 15-ին, լրագրողների հետ հանդիպմանն ասաց Իջեւանում ստեղծված լրատվական ճգնաժամային կենտրոնի պատասխանատու Արծրուն Հովհաննիսյանը՝ նշելով, որ դա բավականին բարձր ցուցանիշ է:

Հովհաննիսյանի խոսքով` ընդհանուր օպերատիվ իրավիճակը երեկ կեսգիշերից հետո հանգիստ է եղել, ըստ էության, կրակոցներ եւ հատկապես մեծ տրամաչափի զենքերից կրակոցներ չեն եղել: