Լիազորությունները կասեցված ՊՎԾ պետ Դավիթ Սանասարյանը վարչապետ Նիկոլ Փաշինյանին առաջարկում է իրեն և գլխավոր դատախազ Արթուր Դավթյանին միասին պաշտոնանկ անել: Այս մասին նա գրել է Ֆեյսբուքի իր էջում:
Գրառումն ամբողջությամբ՝ ստորև.
«Հարգելի՛ պարոն վարչապետ,
մինչ Դուք զբաղված եք երկիրը համաճարակից դուրս բերելու և այլ ճգնաժամային հարցերով, գլխավոր դատախազը սաբոտաժ է անում։
Կարծում եմ, որ ուժայինների ղեկավարների փոփոխությունից հետո, ժողովրդի կողմից ամենասպասվածը գլխավոր դատախազի փոփոխությունն է, ուստի ԱԺ կողմից այս հարցի լուծումը պետք է դառնա օրակարգային ։
Որպեսզի տարընթերցումներ չլինեն՝ առաջարկում եմ ինձ և գլխավոր դատախազ Արթուր Դավթյանին պաշտոնանկ անել միասին։ Եվ ՊՎԾ-ում որոշակիություն կմտնի, և դատախազությունն առողջանալու հնարավորություն կունենա։
Հարգանքով՝ Դավիթ Սանասարյան»։
