Հայաստանի պետական տնտեսագիտական համալսարանում կորոնավիրուսի 1 դեպք է գրանցվել։ Այս մասին հայտնում է NEWS.am-ը' վկայակոչելով համալսարանի լրատվության և հասարակայնության հետ կապերի բաժնին։

«Սեպտեմբերի 2-ին առաջին կուրսի մեկ ուսանող ջերմել է, տուն են ուղարկել։ Նա թեստավորվել է և հաստատվել է կորոնավիրուս։ Երեկ՝ սեպտեմբերի 8-ին, նույն կուրսում ևս մեկ ուսանող ջերմություն է ունեցել, և ամբողջ կուրսն ուղարկվել է տուն։ Տվյալ կուրսի դասապրոցեսը հիմա կազմակերպվում է հեռավար տարբերակով։ Դեպքի մասին պատշաճ տեղյակ է պահվել Հիվանդությունների վերահսկման և կանխարգելման ազգային կենտրոնին։ Որևէ դասախոսի մոտ կորոնավիրուսով վարակման դեպք չի հաստատվել»,- հայտնել են համալսարանից։