ԱՄՆ պետքարտուղար Մայք Պոմպեոն հաստատեց այս շաբաթ Ադրբեջանի և Հայաստանի արտգործնախարարներ Ջեյհուն Բայրամովի և Զոհրաբ Մնացականյանի հետ բանակցություններ վարելու մտադրությունը Լեռնային Ղարաբաղում ռազմական գործողությունների ավարտին նպաստելու համար: Ելույթ ունենալով մամուլի ճեպազրույցում՝ ԱՄՆ արտաքին գործերի նախարարն ասաց, որ խորհրդակցությունները տեղի կունենան հոկտեմբերի 23-ին: «Ձեր առաջին հարցը վերաբերում էր այն բանին, թե ինչի հասնելու հույս ունեմ ուրբաթ օրը Հայաստանի և Ադրբեջանի արտգործնախարարների հետ հանդիպմամը: Դուք խոսեցիք այն մասին, թե մենք կմիջնորդե՞նք բանակցել ևս մեկ հրադադարի մասին՝ ակնարկելով, որ հրադադարի նախկին պարտավորությունները չեն աշխատել», - ասաց Պոմպեոն: Ըստ նրա՝ խոսքը բարդ իրավիճակի մասին է: «Սա բարդ դիվանագիտական իրավիճակ է: Մեր տեսակետը, ինչպես եվրոպական գրեթե բոլոր երկրների տեսակետը, շարունակում է մնալ այն փաստը, որ առաջ շարժվելու ճիշտ ճանապարհը հակամարտության դադարեցումն է։ Ոչ մի երկիր չպետք է միջամտի՝ այս հակամարտության կրակի վրա յուղ լցնելով, չպետք է զենքի համակարգեր տրամադրի, աջակցի: Եվ հետո, այդ փուլում դիվանագիտական լուծումը ընդունելի կլինի բոլորի համար, և հնարավոր է, որ դրան հնարավոր լինի հասնել », - ընդգծեց ամերիկյան դիվանագիտության ղեկավարը: « Այս մասին ես կխոսեմ Բայրամովի և Մնացականյանի հետ», - ավելացրեց Պոմպեոն:
