Ադրբեջանի նախագահ Իլհամ Ալիևը իսպանական EFE գործակալությանը տված հարցազրույցում հայտարարել է, որ իմաստ չի տեսնում հանդիպելու Նիկոլ Փաշինյանի հետ․ «Խոսելով փոխզիջումների մասին՝ Հայաստանը ոչ մի կոնկրետ բան չի ասում, միայն ինքնորոշման մասին է խոսում: Բայց ինքնորոշումը նրանց կողմից փոխզիջում չէ», - ասել է Ալիևը: Այդ պատճառով, ինչպես նշել է Ադրբեջանի նախագահը, ակտիվ բախումների առաջին օրերից Բաքուն հայկական կողմից պահանջել է Ղարաբաղից և հարակից շրջաններից զորքերի դուրսբերման ժամանակացույց: «Եթե Հայաստանը մեզ լսեր և տրամաբանորեն վարվեր, մենք չէինք հայտնվի ներկայիս իրավիճակում: Միգուցե այս դեպքում պատերազմն ավարտվեր մեկ ամիս առաջ», - ավելացրել է Ալիևը: «Անցած երկու տարիների ընթացքում ես Նիկոլ Փաշինյանի հետ բազմաթիվ հանդիպումներ եմ ունեցել, բայց բոլորը, ինչպես պարզվել է, անօգուտ և անիմաստ են», - ասել է Ալիևը: