Հիշեցնենք, որ այսօր՝ հունվարի 13-ին «Իմ քայլը» խմբակցությունը որոշում է կայացրել ԲԴԽ անդամի առաջին թափուր տեղի համար առաջադրել Գագիկ Ջհանգիրյանի թեկնածությունը: Սակայն, վերջինիս կողմից տվյալ պաշտոնը զբաղեցնելը տարատեսակ քննարկումների առիթ է տվել։ Մասնավորապես, նշվում է, որ Ջհանգիրյանը 66 տարեկան է, ինչը ենթադրում է, որ նրա նշանակումը կարող է լինել օրենքի խախտումով, քանի որ տարիքային շեմը չի համապատասխանում։ Օրենսգրքի 97-րդ հոդվածը սահմանում է դատավորի թեկնածուի հավակնորդին ներկայացվող պահանջները, որտեղ նշվում է՝ դատավորի թեկնածուների հավակնորդների ցուցակում ընդգրկվելու համար որակավորման ստուգմանը կարող են մասնակցել 25-60 տարեկան, ընտրական իրավունք ունեցող անձինք: 

Անդրադառնալով օրենքի խախտման վերաբերյալ քննարկումներին Գագիկ Ջհանգիրյանը նշել է, որ Սահմանադրության և Կանոնակարգ օրենքի համաձայն՝ իրավաբան-գիտնականը որևէ այլ ճանապարհ չունի ԲԴԽ կազմում հայտնվելու, բացի խմբակցության կողմից առաջադրվելը: Այդ որոշումը հիմա է կայացրել է, քանի որ իր 65 տարեկանը արդեն լրացել է և տվել է իր համաձայնությունը ԲԴԽ իրավաբան-անդամ առաջադրվելու։

Նշենք, որ ԲԴԽ անդամի պաշտոնում ընտրվելու համար թեկնածուին անհրաժեշտ է ԱԺ պատգամավորների թվի 3/5-ից ավելիի «կողմ» ձայները: