ՌԴ նախագահ Վլադիմիր Պուտինը և ՀՀ վարչապետ Նիկոլ Փաշինյանը հայկական կողմի նախաձեռնությամբ հեռախոսազրույց են ունեցել, որի ընթացքում քննարկել են Հայաստանում տիրող իրավիճակը: Այս մասին տեղեկանում ենք Կրեմլի կայքից:

«Քննարկվել է իրավիճակը Հայաստանում: Պուտինն արտահայտվել է Հայաստանում կարգուկանոնի և հանդարտության պահպանման, օրենքի շրջանակներում իրավիճակի կարգավորման օգտին», - նշել է մամուլի քարտուղարը:

Նրա խոսքով՝ Պուտինը բոլոր կողմերին զսպվածության կոչ է արել։