![](http://mediamall.am/timthumb.php?src=upload/240659.png&w=300&h=200&mt=1615815215)
Վանդալիզմի դեպք է գրանցվել Երևանի 2800-ամյակի այգում: Մարտի 13-ի լույս 14-ի գիշերն անհայտ անձինք գողացել են այգու 7 բրոնզաձույլ արձաններից մեկը՝ նավակով երեխայի արձանը: Մինչև գործին անցնելը գողերը փորձել են թաքցնել իրենց գործողությունները՝ տարածքը հսկող տեսախցիկները շեղելով: Արձանիկից բացի, անհայտ անձինք գողացել են նաև այգու հարակից հատվածում՝ Ալեքսանդր Մյասնիկյանի արձանի աշխատանքներ իրականացնող կազմակերպությանը պատկանող մոտ 5 հազար դոլար արժողությամբ աշխատանքային գործիքները: Տվյալ աշխատանքները իրականացվում են «Վարդանյան Ընտանիք» ԲՀ-ի հովանավորությամբ: Երևանի 2800-ամյակի այգու՝ Բեյրութի և Իտալիայի փողոցներին հարող հատվածներում տեղադրված տեսախցիկներով նկարահանվել է գողություն իրականացնող ավտոմեքենան:
Դեպքի առթիվ Ոստիկանության՝ ՀՀ Երևան քաղաքի վարչության Կենտրոնական բաժնում հարուցվել է քրեական գործ: Տարվում են համապատասխան որոնողական աշխատանքներ անհայտ անձանց գտնելու ուղղությամբ:
![](https://lurer.com/disc/15-03-21/c2928ec3191586693e6f871df5689c09.jpg)
![](https://lurer.com/disc/15-03-21/382c8376caf698cafa5ab96437704eec.jpg)