Ադրբեջանն այսօրվանից կանոնավոր ավտոբուսային երթուղիներ է սկսել Բաքվից դեպի Շուշի և Ակնա։ «Այսօր վաղ առավոտյան մեկնել են Բաքու-Շուշի-Բաքու և Բաքու-Ակնա-Բաքու կանոնավոր երթուղիներով առաջին ավտոբուսները»,- հաղորդում են ադրբեջանական լրատվամիջոցները։

Ադրբեջանի պետական ավտոմոբիլային տրանսպորտի ծառայության փոխանցմամբ՝ այս ուղղություններով փոխադրումներ կիրականացվեն շաբաթական երկու անգամ։ Ուղևորները պետք է նախապես պատվիրեն երկկողմանի տոմսեր, քանի որ ուղևորությունները տևում են ընդամենը մի քանի ժամ, որպեսզի ցանկացողները կարողանան տեսնել քաղաքները, որտեղ ներկայումս վերականգնողական աշխատանքներ են իրականացվում, և դրանց պատմական վայրերը: Դրա համար յուրաքանչյուր փոխադրման ժամանակ տրամադրվում են հատուկ ուղեցույցներ:
Սկզբնական փուլում Շուշի և Ակնա կարող են մեկնել միայն 18 տարեկանից բարձր Ադրբեջանի քաղաքացիները։ Առայժմ թույլատրվում է տարեկան միայն մեկ ուղևորություն։