BBC-ն առանձնացրել է հիմնական մեջբերումները Վլադիմիր Զելենսկիի՝ ռուս լրագրողներին տված հարցազրույցից

Կրեմլի քաղաքականության մասին․
Ցավոք, մենք չենք տեսնում Ուկրաինայի անկախությունը։ Սա ընդհանրապես մեր ողբերգությունն է։ Մեզ պետք է ընդունեն որպես անկախ պետություն, ոչ թե որպես ինչ-որ ապրանք, ինչ-որ խոշոր օրգանի մի մաս, որի գլխին իրեն տեսնում է Ռուսաստանի ներկայիս նախագահը։

Մենք մեզ համարում ենք անկախ պետություն՝ մեծ, խորը պատմությամբ և բարոյականությամբ։

Մարիուպոլի մասին․
Քաղաքը արգելափակված է ռուս զինվորականների կողմից։ Մարիուպոլ քաղաքից բոլոր մուտքերն ու ելքերը արգելափակված են։ Նավահանգիստը ականապատված է։ Քաղաքի ներսում հումանիտար աղետը միանշանակ է, քանի որ սննդով, դեղորայքով ու ջրով այնտեղ գնալն անհնար է։ Ռուսական զինուժը կրակ է բացել մարդասիրական շարասյուների վրա: Վարորդներ են զոհվել։

Ռուսների նկատմամբ վերաբերմունքի մասին․
Չնայած այն հանգամանքին, որ ես նախագահ եմ և պետք է լինեմ բավականին պրագմատիկ մարդ, 24-ից հետո վերաբերմունքը վատացել է։ Ռուսաստանի Դաշնության, ժողովրդի հանդեպ հուզական բաղադրիչը կորել է։