Եվրոպական հանձնաժողովը հաղորդում է մարդկանց առևտրի դեպքերի կտրուկ աճի և այդպիսի հանցագործությունների բացահայտման ցուցանիշների նվազման մասին:
Այդ հիմնախնդրին նվիրված իր առաջին զեկույցում Եվրահանձնաժողովը նշում է, որ հանցագործների զոհերի ճնշող մեծամասնությունը կանայք և երեխաներ են, որոնցից շատերը ենթարկվում են սեռական բռնությունների:
2008-2010թթ. ընթացքում ավելի քան 20 հազար մարդ Եվրոպայի երկրներում դարձել են մարդկանց առևտրով զբաղվողների զոհեր:
Ներքին գործերով եվրոպական հանձնակատար Սեսիլիա Մալմստրյոմը խոստովանել է, որ իր համար դժվար է ընկալել, թե ինչպես կարող են ժողովրդավարական և ազատ պետություններում տեղի ունենալ այդպիսի դեպքեր:
Մալմստրյոմի խոսքերով ԵՄ երկրները պետք է ավելի մեծ ուշադրություն հատկացնեն այդ խնդիրներին, հակառակ դեպքում Եվրամիության ղեկավարությունը ստիպված կլինի ձեռնարկել լրացուցիչ միջոցներ:
Հեղինակ:
«Փաստինֆո»
