Արցախի ներկայացուցիչների պատվիրակությունն արդեն Եվլախում է, հայտնում են ադրբեջանական լրատվամիջոցները։ Ինչպես հայտնի է, Արցախի ներկայացուցիչների պատվիրակությանն ուղեկցում է ռուս խաղաղապահների ավտոշարասյունը:
Ինչպես հայտնի է, Եվլախում կայանալիք բանակցություններին արցախյան կողմը ներկայացնում է Արցախի ԱԺ «Արցախի ժողովրդավարական կուսակցություն» խմբակցության պատգամավոր Դավիթ Մելքումյանը։
Ադրբեջանական կողմը ներկայացնում է պատգամավոր Ռամին Մամեդովը։ Նշվում է, Մամեդովը ծնվել է Արցախի Մարտակերտ քաղաքում:
Մարտին Ադրբեջանի նախագահ Իլհամ Ալիևը Մամեդովին նշանակել է Արցախի հայ բնակիչների հետ շփումների գծով պատասխանատու:
