Ալիևի աշխատակազմը հղորդագրություն է տարածել Արցախի վերաբերյալ, գրում են ադրբեջանական ԶԼՄ-ները։
«Ադրբեջանի նախագահի աշխատակազմի հրավերով' 2023 թվականի սեպտեմբերի 21-ին Եվլախ քաղաքում Լեռնային Ղարաբաղի հայ բնակիչների հետ կապերի պատասխանատու Ռամին Մամեդովը հանդիպում է ունեցել Արցախի ներկայացուցիչների՝ Սերգեյ Մարտիրոսյանի և Դավիթ Մելքումյանի հետ։
Հանդիպմանը, որն անցել է կառուցողական և դրական մթնոլորտում, քննարկումներ են ծավալվել ենթակառուցվածքների վերականգնման, Ադրբեջանի Սահմանադրության և օրենքների հիման վրա Ղարաբաղում ապրող հայ բնակիչների վերաինտեգրման վերաբերյալ։
Նախատեսվում է առաջիկայում վառելանյութ մատակարարել՝ ապահովելով մանկապարտեզների և դպրոցների ջեռուցումը, ինչպես նաև շտապ բուժօգնության և հրդեհաշիջման կարիքներով ապահովել, տրամադրել մարդասիրական աջակցություն։
Պայմանավորվածություն է ձեռք բերվել առաջիկայում անցկացնել հաջորդ հանդիպումը»,-մասնավորապես ասվում է հաղորդագրության մեջ։
