Իրականացվել է գիշերային լուսավորության լապտերները փակող փոքրիկ ճյուղերի հեռացման աշխատանքներ։ Այս մասին, այսօր Երեւանի քաղաքապետարանի հերթական գործակարգավարական խորհրդակցության ժամանակ նշեց «Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը։

«Ամբողջական աշխատանքները կմեկնարկեն 10 օրից: Կարծում եմ՝ խնդիր կունենանք ճանապարհային երթևեկության նշանների հետ կապված։ Երբ տերևարձակումը լինի, մենք կապի մեջ ենք վարչական շրջանների աշխատակազմերի հետ և պատրաստ ենք անմիջապես ստանալու ահազանգերը և իրականացնել աշխատանքները»,- ասաց նա: