Ինդոնեզիայում անցկացված բռնցքամարտի միջցեղային առաջնությունը պսակվել է զանգվածային ընդհարմամբ, որի հետևանքով 18 մարդ զոհվել է, իսկ մի քանի տասնյակ հոգի մարմնական վնասվածքներով տեղափոխվել է հիվանդանոց: Տեղական լրատվամիջոցների հաղորդմամբ, բախումը սկսվեց այն բանից հետո, երբ մրցավարները հաղթող հռչակեցին բռնցքամարտիկներից մեկին: Որոշումից դժգոհ հանդիսատեսները աթոռներ նետեցին ռինգ, այնուհետև ձեռնամարտի բռնվեցին: Սկսվեց իրարանցում, որը վերաճեց հրմշտոցի: Հենց դա էլ հանգեցրեց մարդկային զոհերի, հաղորդում է ИТАР-ТАСС-ը: