Galatv.am. Այսօր երթուղային տրանսպորտում պատահածը ստիպեց գալ այն համոզմունքին, որ վարորդին 150 դրամ վճարելով իրեն լավություն չենք անում, և իրենք նույնպես պատրաստ են մասնակցել բոյկոտին:
21 համարի երթուղին, երբ կայանեց Օպերայի կանգառում, շատ տարօրինակ արտաքինով մոտ 30-35 տարեկան երիտասարդ, եթե կարելի էր այդպես անվանել նրան, բարձրացավ երթուղային և իր տարօրինակ վարքագծից պարզ էր, որ ինչ-որ բան այն չէ:
Նախ երթուղայինում նստելու ազատ տեղեր կային, բայց նա չէր էլ պատրաստվում նստել:
Մինչ մյուս կանգառ հասնելը երիտասարդը դիմեց վարորդին, որ մոտակա կանգառում կայանի, վարորդն էլ հարցրեց.
«Ուզու՞մ ես էստեղ կանգնեմ»:
«Հա, հա, կանգնի, ինչքա՞ն ա ուղեվարձդ»:
«Դե, ինչքան տաս»:
200 դրամանոց մանրադրամ մեկնեց:
Վարորդը մանրը վերադարձրեց' 100 դրամ:
«Տենց չի ձևը, ուղևորավարձդ 150 դրամ ա, ոչ թե 100»,- ասաց գծատիրոջ կողմից ուղարկված սուրհանդակը և հեռացավ:
Սեդա Ղուկասյան
