Շիրակի մարզի որոշ համայնքների բնակիչներ իրենց առօրյա խնդիրներից բացի մտահոգված են նաեւ երկրի ներքաղաքական, սոցիալական, տնտեսական հիմնահարցերով, նաեւ Երեւանում վերջին օրերին տեղի ունեցող իրադարձություններով: Ուղեվարձի թանկացումն, ըստ Հայկասար գյուղի բնակիչների, հերթական ծանր հարվածն էր ՀՀ քաղաքացիներին, ուստի արդարացի են համարում երեւանցիների բողոք-դժգոհությունները: ԳԱԼԱ-ի լրագրողի հետ զրույցում նրանք անդրադարձել են Սերժ եւ Տիգրան Սարգսյանների կողմից տրված խոստումներին, հիշել այն խոսքերը, թե Կառավարությունը դեմքով շրջվել է դեպի գյուղն ու գյուղացին, անդրադարձել նաեւ վարչապետի՝ օֆշորային ընկերության բաժնետեր լինելու մասին տեղեկություններին:
