ԱՄՆ-ի նախագահ Բարաք Օբամայի հանդիպումը կոնգրեսում քաղաքական ուժերի ղեկավարների հետ անարդյունք է անցել. լրագրողներին հայտնել է հանրապետական Ջոն Բեյները, մեջբերում է Reuters-ը:
Նրա խոսքերով' իրենք քաղաքակիրթ զրույց են ունեցել, սակայն Օբաման հրաժարվել է բանակցել պետական պարտքի լիմիտի բարձրացման շուրջ: Դեմոկրատական ուժերի առաջնորդ Հարրի Ռիդը նշել է, որ տարաձայնությունների առանցքային պահն առողջապահության ոլորտում բարեփոխումների անկացումն է (Obamacare):
«Մենք լուրջ տարաձայնություններ ունենք Obamacare-ի հարցում»,-ասել է Ռիդը:
Օբաման կոնգրեսի հանրապետականներից պահանջում է պետական ապարատի ծախսերի հաստատումը չկապել առողջապահության ռեֆորմի վերանայման հետ, ինչի հետ կոնգրեսականները համաձայն չեն:
Բյուջեի հարցում փոխզիջումների բացակայության հետևանքով' հոկտեմբերի 1-ից ԱՄՆ-ի դաշնային պետական հաստատությունների մի մասը չի գործում:
