Աշխարհահռչակ զինագործ Միխայիլ Կալաշնիկովի հուղարկավորությունը տեղի կունենա դեկտեմբերի 26-ին Իժևսկում. հայտնում է itarr-tass-ը:
«Սպասվում է, որ հուղարակավորությանը ներկա կգտնվեն արտասահմանից ժամանած հյուրեր:
Կալաշնիկովին կհուղարկավորեն Իժևսկի գերեզմանատներից մեկում»,-տեղեկացրել է Ուդմուրտիայի նախագահի մամլո քարտուղար Վիկտոր Չուլկովը:
Նախատեսվում է, որ հրազենի աշխարհահռչակ կոնստրուկտորի հիշատակին նվիրված միջոցառումներ կանցկացվեն Կալաշնիկովի հայրենիքում՝ Ալթայի երկրամասի Կուրիա գյուղում:
Հիշեցնենք, որ Միխայիլ Կալաշնիկովն իր նշանավոր ինքնաձիգը պատրաստել է 1947-ին, որն օգտագործվում է 100-ից ավել երկրների ուժային գերատեսչություններում:
