Հայաստանի Հանրապետության վարչապետ Տիգրան Սարգսյանի որոշմամբ Արա Պետրոսյանն ազատվել է Հայաստանի Հանրապետության էկոնոմիկայի նախարարի տեղակալի պաշտոնից՝ իր դիմումի համաձայն։
ՀՀ վարչապետի մեկ այլ որոշմամբ Սերգեյ Ավետիսյանը նշանակվել է Հայաստանի Հանրապետության էկոնոմիկայի նախարարի տեղակալ։
ՀՀ կառավարության տեղեկատվության և հասարակայնության հետ կապերի վարչությունը ներկայացրել է Սերգեյ Ավետիսյանի կենսագրական տվյալները։
Ամսաթիվ, տարեթիվ, ծննդավայր
25 նոյեմբերի 1981 թ., ք. Երևան
Կրթություն
1999-2004 թթ.- Հայ-ռուսական սլավոնական համալսարան, տնտեսագիտության ֆակուլտետ, պետական և մունիցիպալ կառավարում
2004-2007 թթ. – ՀՀ ֆինանսների նախարարության տնտեսական հետազոտությունների ինստիտուտ, տնտեսագիտության թեկնածու
2011-2012 թթ. – Սինգապուրի ազգային համալսարան, Լի Կուան Յույի անվան պետական կառավարման բարձրագույն դպրոց, հանրային կառավարման մագիստրոս (MPA)
Աշխատանքային գործունեություն
2003 -2009 թթ. – ՀՀ կենտրոնական բանկ, բանկային վերահսկող
2009-2014 թթ. – ՀՀ մշակույթի նախարարության աշխատակազմի ղեկավար
2014 թ. փետրվարի 5-ից՝ ՀՀ էկոնոմիկայի նախարարի տեղակալ
Այլ տվյալներ
Վերապատրաստվել է Հնդկաստանի Պունե քաղաքի բանկային կառավարման ազգային ինստիտուտում «Բանկային կառավարումը զարգացող երկրներում» թեմայով, Սինգապուր-Հայաստան համագործակցության ծրագրով՝ քաղաքացիական ծառայության ինստիտուտում: Տիրապետում է ռուսերենի, անգլերենի:
Կուսակցական պատկանելությունը
Անկուսակցական
Անձնական տվյալներ
Ամուսնացած է:
