Հայաստանի ազատ ոճի 2 ըմբիշ՝ 66կգ քաշային Դավիթ Սաֆարյանը եւ 70կգ քաշային Գրիգոր Գրիգորյանը տեղ են զբաղեցրել ըմբշամարտի միջազգային ֆեդերացիայի՝ ՖԻԼԱ-ի աշխարհի լավագույն ըմբիշների վերջին վարկանիշային ցանկում:
Ինչպես «Արմենպրես»-ին տեղեկացրին Հայաստանի ըմբշամարտի ֆեդերացիայում, Սաֆարյանը եւ Գրիգորյանը զբաղեցնում են 4-րդ տեղերը իրենց քաշային կարգերի վարկանիշային ցանկերում:
Ինչ վերաբերում է Սաֆարյանին, ապա նա չէր մասնակցել ազատ ոճի ըմբշամարտի Եվրոպայի առաջնությանը, ինչը եւ ազդել է նրա վարկանիշի վրա:
Իսկ Գրիգորյանի դեպքում 4-րդ տեղը արժանի ցուցանիշ է:
