ՄԱԿ-ի Գլխավոր ասամբլեայի 69-րդ նիստին մասնակցելու նպատակով Նյու Յորք մեկնող Թուրքիայի Նախագահ Ռեջեփ Թայիփ Էրդողանը կհանդիպի ԱՄՆ Հայ Առաքելական եկեղեցու Արևելյան թեմի առաջնորդի հետ: Ինչպես հաղորդում է «Արմենպրես»-ը, այս մասին նշվում է Թուրքիայի նախագահի պաշտոնական կայքում:

Սեպտեմբերի 22-ից հոկտեմբերի 1-ը կայանալիք նիստների ժամանակ Էրդողանին ԱՄՆ-ում կուղեկցեն Թուրքիայի արտաքին գործերի նախարար Մևլութ Չավուշօղլուն, շրջակա միջավայրի և քաղաքաշինության հարցերով նախարար Իդրիս Գյուլունջեն, էկենոմիկայի նախարար Նիհաթ Զեյբեքչին, ԵՄ հարցերով նախարար Վոլքան Բոզքըրը:

Նյու Յորք կատարելիք այցի շրջանակում Էրդողանը մի շարք հանդիպումներ կունենա տարբեր անձանց հետ: Նա կհանդիպի նաև ԱՄՆ մուսուլմանական համայնքի և Հրեաների համաշխարհային կոնգրեսի ներկայացուցիչների հետ: