Գրեթե 226 հազար ուկրաինացիներ են փախստականի կարգավիճակ կամ ժամանակավոր ապաստան խնդրել Ռուսաստանում: Այդ մասին, ինչպես տեղեկացնում է «Արմենպրես»-ը, ՏԱՍՍ-ին հայտնել են ՌԴ-ի Համերկրային միգրացիոն ծառայությունում:
«Այսօրվա դրությամբ փախստականի կարգավիճակ եւ ժամանակավոր ապաստան ստանալու խնդրանքով դիմել են Ուկրաինայի հարավ-արեւելքի գրեթե 226 հազար քաղաքացիներ»,- ասել են գերատեսչությունում:
Ավելի վաղ այստեղ հայտնել էին, որ գրեթե 200 հազար ուկրաինացիներ արդեն ժամանակավոր ապաստան կամ փախստականի կարգավիճակ են ստացել ՌԴ-ում:
Ներկա պահին ժամանակավոր տեղավորման կետերում գտնվում են շուրջ 46 հազար ուկրաինացիներ, մասնավոր հատվածում տեղավորված են ավելի քան 400 հազար քաղաքացիներ:
