Արգենտինայում՝ Պարագվայի հետ սահմանին, հնագետները հայտնաբերել են բունկերներ, որոնք կարող Էին նացիստական հանցագործների համար ապաստան ծառայել Երկրորդ համաշխարհային պատերազմից հետո: Ինչպես մարտի 22-ին գրել Է Clarin թերթը, կառույցները գտնվում են Միսիոնեսի նահանգի ազգային բնայգու տարածքում, տեղեկացնում Է «Արմենպրես»-ը:
«Ըստ երեւույթին, Երկրորդ համաշխարհային պատերազմի կեսերին, Գերմանիայի ռազմաօդային ուժերն սկսել են կենսագործել դժվարամատչելի շրջաններում՝ անապատում, լեռներում կամ ջունգիներում, ինչպես այստեղ Է, նացիստական ղեկավարության համար ապաստաններ ստեղծելու գաղտնի պլանը»,- պատմել Է հնագետների խմբի ղեկավար Դանիել Շավելսոնը: Հետազոտողների խոսքով՝ կառույցը բաղկացած Է երեք մասից՝ բնակելի շենքից, պահեստից, իսկ վերջինից կարելի Էր կատարել հսկողություն: Բունկերների պատերի հաստությունը կազմում Է շուրջ երեք մետր:
Բացի դրանից, կառույցի շրջակայքում հնագետները գտել են գերմանական մետաղադրամներ՝ թվագրված 1938-ից մինչեւ 1941 թվականն ընկած ժամանակամիջոցով, եւ մոտավորապես նույն այդ ժամանակաշրջանում պատրաստված ճենապակի:
Գիտնականները ենթադրում են, որ նացիստներն այս բունկերները երբեք չեն օգտագործել նախանշված նպատակով, քանի որ Երկրորդ համաշխարհային պատերազմի ավարտից հետո նրանք կարող Էին Արգենտինայի ցանկացած քաղաքում ապրել օրինական կարգավիճակում:
The Telegraph-ի տվյալներով՝ ընդամենը երկրում հաստատվել Է շուրջ հինգ հազար նացիստ:
