Հայ-ադրբեջանական սահմանին ապրիլի 23-ի լույս 24-ի գիշերը եղել է միջին լարվածության: Այս մասին «Արմենպրես»-ի հետ զրույցում հայտնեց ՀՀ ՊՆ մամուլի խոսնակ Արծրուն Հովհաննիսյանը: «Գիշերը հայ-ադրբեջանական սահմանին իրավիճակը եղել է միջին լարվածության: Հակառակորդի կողմից եղել է 200 կրակոց: Բարեբախտաբար, զոհեր և վիրավորներ չկան: Կրակոցները հիմնականում եղել են դիրքերի ուղղությամբ: Բոլոր կրակոցներին պատասխանել ենք»,- «Արմենպրես»-ի հաղորդմամբ՝ նշեց Հովհաննիսյանը:
Նա հայտնեց, որ այս պահին էլ սահմանին ըստ էության նույն իրավիճակն է: «Հնարավոր է, որ լարվածությունն այս պահին մի փոքր թուլացած լինի, որովհետև առավոտները սովորաբար թուլանում է լարվածությունը»,- ասաց ՊՆ խոսնակը:
