ԽՍՀՄ ժողովրդական արտիստ, Պետդումայի պատգամավոր Իոսիֆ Կոբզոնը հուլիսի 24-ին ֆրանսիական խորհրդարանական պատվիրակության և Ղրիմի դաշնային շրջանի ղեկավարների հանդիպման ժամանակ երգ է կատարել: Ինչպես տեղեկացնում է «Արմենպրես»-ը՝վկայակոչելով interfax-russia.ru-ն, նա Ֆրանսիայի ազգային ժողովի անդամների համար կատարել է Երկրորդ համաշխարհային պատերազմի ժամանակ խորհրդային և ֆրանսիական ռազմական օդաչուների ընկերության մասին երգ:
«Ֆրանսիայում գործընկերներիս շրջանում շատ ընկերներ ունեմ: Ելույթներ եմ ունեցել Միրեյ Մաթյեյի, Շառլ Ազնավուրի հետ: Նրանք իմ ընկերներն են, և ոչ մի պատժամիջոց դա չի փոխի»,-նշել է Կոբզոնը:
Երգելն ավարտելուց հետո նա ֆրանսերեն բացականչել է՝ «Կեցցե Ֆրանսիան, Կեցցե Ռուսաստանը»:
