Մոսկվայի հյուսիս-արևելքում ադրբեջանցի Էմիլ Զուլֆուղարովը սպանել է 19-ամյա Աննա Սարգսյանին: Ինչպես հայտնում է НТВ-ն, նա երկու տարի սիրահարված է եղել աղջկան, սակայն մերժում ստանալուց հետո սկսել է հետապնդել նրան:
Աննայի հայրը բազմիցս դիմել է ոստիկանություն՝ խնդրելով ապահովել իր աղջկա անվտանգությունը, սակայն ոստիկանները չեն արձագանքել աղջկա հարազատների բազմաթիվ խնդրանքներին:
Դատարանը վճռել է 2 ամսով կալանավորել Զուլֆուղարովին, որը դանակի մի քանի հարվածով սպանել է իրեն մերժող աղջկան:
Զուլֆուղարովը հետևել է աղջկան, նրան որովայնի հատվածում դանակի 7 հարված հասցրել, ապա հեռացել է: Աղջիկը մահացել է մինչև շտապօգնության ժամանումը:
Աղջկա հարազատները մշտապես ուղեկցել են նրան, սակայն մետրոյի մոտ հայր ու դուստր ինչ-որ պատճառով բաժանվել են, ինչից էլ օգտվել է մարդասպանը: Սպանության պահն արձանագրել են փողոցի հսկող տեսախցիկները:
Ոստիկանները Զուլֆուղարովին գտել են տանն ու ձերբակալել են:
