Թուրքական «Բեշիկթաշը» պաշտոնապես հայտարարել է Հայաստանի հավաքականի կիսապաշտպան Արաս Օզբիլիսի հետ պայմանագիր կնքելու մասին:
Ստամբուլի ակումը ֆուտբոլիստի համար «Սպարտակին» վճարել է 1.3 միլիոն եվրո:
«Իմ կյանքում նոր էջ է սկսվում: Ցանկանում եմ շնորհակալություն հայտնել բոլոր նրանց, ովքեր ջերմ ընդունեցին ինձ: Շնորհակալություն «Սպարտակին» այս 2.5 տարվա համար: Ցանկանում եմ շնորհակալություն հայտնել երկրպագուներին և ակումբին: Հաջողություն եմ մաղթում «Սպարտակին» ապագայում»,-Ինսթագրամի միկրոբլոգում գրել է Օզբիլիսը:
Ֆուտբոլիստը հավանաբար վարձավճարով տեղափոխվի իսպանական «Ռայո Վալյեկանո»:
