«Իսլամական պետություն» ահաբեկչական խմբավորման գրոհայինները հերթական զանգվածային մահապատիժն են իրականացրել: Այս անգամ ահաբեկիչների զոհ է դարձել Իրաքի Մոսուլ քաղաքի ավելի քան 300 ոստիկան և զինվորական:
Ինչպես հաղորդել են իրաքցի հասարակական գործիչները, զինյալները նաև կրակել են տեղացի քաղաքացիական ակտիվիստների վրա:
«Իրաքում ԻՊ-ն մահապատժի է ենթարկել ավելի քան 300 ոստիկանների և զինվորական ներկայացուցիչների»,- գրում է IraqNews-ը:
Նշվում է, որ իրավիճակը Մոսուլում կրիտիկական է՝ սննդամթերքի բացակայության և ահաբեկիչների գործողությունների պատճառով, որոնք վերահսկողության տակ են վերցրել քաղաքը:
