Գործարար կապերի ու ծանոթությունների հաստատումից՝ մինչև գործակցության նոր եզրեր ու համատեղ ծրագրեր: Հայ արտադրողների առջև երեկվանից նոր շուկաներ են բացվել: «Մուլտի գրուպ» կոնցեռնի հիմնադիր Գագիկ Ծառուկյանի հրավերով Հայաստանում են Եվրոպայում խոշորագույն «Սե Ցե Սե» դիզայն ընկերությունների խմբի համասեփականատերերն ու ներկայացուցիչները:
Այցելության նպատակը նոր գործընկերներ գտնելն ու հայկական արտադրանքը եվրոպական շուկայում ներկայացնելն է: Դեռ ամիսներ առաջ Չեխիա կատարած այցի ընթացքում Գագիկ Ծառուկյանը, հանդիպելով նրանց հետ, խոստացել էր օգնել Հայաստանում բիզնեսի ցանկացած ճյուղի ներկայացուցիչների հետ կապեր հաստատելու գործում: Այսօր արդեն շուրջ 100 գործարարի հետ հանդիպմանը Գագիկ Ծառուկյանն անձամբ է մասնակցում:
