ԵԿՄ վարչության նախագահ, Արցախի հերոս Մանվել Գրիգորյանը Ցավակցական խոսք է հղել նահատակվածների ընտանիքներին:

«Եռասերունդ Երկրապահ կամավորականների միության, Հանրապետության բոլոր երկրապահների, 5-րդ բրիգադի մարտիկների, պատանի, երիտասարդ երկրապահների և իմ անունից վշտակցությունում եմ հայտնում ապրիլի 1-ի գիշերվանից սկսված ադրբեջանական հերթական սադրանքին զոհ գնացած բոլոր զինվորականների, երկրապահ կամավորականների և քաղաքացիական անձանց հարազատներին։ 

Հանուն հայրենիքի նահատակվածների հարգելի՛ հարազատներ, մայրեր, քույրեր, դուք գլուխներդ բարձր, հպարտ քայլելու իրավունք ունեք։ Վիշտը ծանր է, անդառնալի։ Սակայն, հիշեք, որ ձեր զավակները գիտակցված մահն են ընտրել՝ այդ կերպ անմահանալով։ Հավերժ ապրելու են մեր քաջարի հերոսները, ապրելու են սերունդների հիշողություններում, դառնալու են օրինակ հայրենասիրական դաստիարակության համար։

Սևազգե՛ստ մայրեր, ես ներողություն եմ խնդրում ձեզանից, որ ի վիճակի չենք եղել պահպանել ձեր զավակների կյանքը։ Մեր ոսոխը նենգ է, արյունռուշտ։ Մեր հայրենյաց սահմանների նկատմամբ ցանկացած ոտնձգություն խստորեն պատժվում է։ Չարանենգ ոսոխը մեկին տասը հատուցում է։ Նավթադոլարներից արբած թուրքը ծանր զինտեխնիկայի սարսափելի կորուստներ է ունենում։ Մարտադաշտում ընկնում են ադրբեջանցի հարյուրավոր տղաներ, հազարներն էլ հաշմվում են, սակայն, այդ պետության արկածախնդիր իշխանության համար իր քաղաքացու, իր զինվորի կյանքն էլ գրոշի արժեք չունի։

Հայերս, հակառակը, խաղաղասեր ենք, մեզ համար թանկ է մեր ամեն մեկ քաղաքացու կյանքն ու առողջությունը։ Սակայն, եթե խաղաղություն ենք ուզում, պետք է պատրաստ լինենք պատերազմի։ Պատրաստ ենք ազգովի՝ Հայաստանի, Արցախի, Սփյուռքի հայությունը միասնաբար, մեկ բռունցք կազմած արժանի հակահարված է տալիս շուն թուրքին։

Բազմիցս ասել, կրկնում եմ՝ Երկրապահը 1989-ից առաջնագծում է, խրամատում է։ Թուրքական հերթական սադրանքից հաշված րոպեներ անց արդեն մեր առաջին խմբերը հայտնվեցին դիրքերում, այսօր հազարավոր երկրապահներ հենակետերում են, տասը հազարից ավելին էլ կամավոր ցուցակագրվել և սպասում են իրենց հերթին։ Բոլորս ենք գիտակցում, որ հայը հավաքական հասկացություն է։ Այսօր Մարտակերտում, Թալիշում, Հադրութում, Կովսականում պաշտպանվում են Երևանն ու Վայքը, Գյումրին ու Էջմիածնի Մայր տաճարը։ Հայի ոգին անպարտելի է, մենք հաղթելու ենք։ Եթե թուրքը խելքի չեկավ, դարձյալ ծնկաչոք հրադադար է մուրալու։ Եթե թուրքը խելքի չեկավ, չենք բավարարվելու հայրենի սահմանների ազատագրմամբ, անվտանգության գոտին մինչև Բաքու ենք գծելու։ Երկրապահը պատրաստ սպասում է զինված ուժերի գերագույն գլխավոր հրամանատարի հրահանգին, որը, չենք կասկածում, կլինի ճիշտ պահին։

Եվս անգամ ցավակցելով բոլոր նահատակվածների ընտանիքներին երկրապահ կամավորակաների և Արցախի ժողովրդի անունից, դարձյալ ընդգծեմ՝ մեր գործն արդար է, հայությունը հաղթելու է, Արցախը, ազատագրված տարածքներով հանդերձ, հավերժ հայկական է լինելու, արյունարբու թուրքին էլ՝ խաթրով ու հասկացնելով, բացատրելով լինի, ուժով ու զոռով լինի՝ խաղաղություն ենք պարտադրելու։ Հայաստան պետության, հայկական Արցախ պետության, մեր տարածաշրջանի խաղաղության երաշխավորն այլևս հայ ազգն է, մեր անկախ պետականությունն է, մեր հզոր բանակն է և հայ կամավորականությունը։