Նորզելանդական Քերմադեկ արշիպելագի մոտ գրանցվել է 6.3 մագնիտուդով երկրաշարժ: Ինչպես հաղորդում է «Արմենպրես»-ը' վկայակոչելով Interfax-ը, նշված տեղեկությունը տարածել է ԱՄՆ երկրաբանական ծառայությունը:

Երկրաշարժի էպիկենտրոնը արշիպելագի ամենամեծ կղզուց' Ռաուլյայից 201 կիլոմետր հեռավորության վրա է: Ստորգետնյա ցնցումները տեղի են ունեցել 12 կիլոմետր խորության վրա: Ավերածությունների կամ զոհերի մասին տեղեկություններ չեն հաղորդվում: