Երկրապահները շարունակում են իրենց ուխտագնացությունը Արցախում:

Արցախի հերոս, գեներալ Մանվել Գրիգորյանի գլխավորությամբ՝ երկրապահներն այցելեցին Ստեփանակերտի պանթեոն, որտեղ ծաղիկներ խոնարհեցին Արցախյան ազատամարտում զոհվածների հիշատակին կանգնեցված հուշաքարի, ինչպես նաև Հայրենական Մեծ պատերազմում զոհվածների հուշաքարի մոտ:

Երկրապահ ուխտագնացներին էր միացել նաև Էջմիածնի քաղաքապետ Կարեն Գրիգորյանը:

Շուշիում սպարապետ Վազգեն Սարգսյանի հուշարձանի մոտ ևս ուխտագնացները ծաղիկներ խոնարհեցին, հարգանքի տուրք մատուցեցին սպարապետի անմահ հիշատակին:

Ամբողջ ընթացքում հոգևոր կարգ էր մատուցում սրբազան Եզնիկ արքեպիսկոպոս Պետրոսյանը:

Շարունակվում են նաև Արցախի առաջին դասարանցիներին գրենական պիտույքներով լի պայուսակների բաժանման գործընթացն ու համերգային տոնական ծրագրերը սահմանային տարբեր զորամասերում:

Այսօր երեկոյան կկայանա մայր միջոցառումը, որն ուխտագնացության ամփոփումն է:

Քրիստինա Աղալարան, Արցախ