Սեպտեմբերի 18-20-ը Երեւանում «Փոխադարձ վստահություն, միասնականություն եւ պատասխանատվություն» խորագրով կայացած Հայաստան-Սփյուռք համաժողովի անցկացման համար ծախսվել է մոտ 85 միլիոն ՀՀ դրամ:
Այս մասին հաղորդում է Tert.am –ը՝ փոխանցելով Սփյուռքի նախարարության աշխատակազմի ղեկավար Ֆիրդուս Զաքարյանից ստացած տեղեկությունը:
«Դահլիճի ձևավորում, տեխնիկական միջոցների վարձակալություն, համույթներ, երաժշտական, ձևավորում, համաժողովի տպագրական նյութերի պատվիրում՝ փաթեթներ, բլոկնոտներ, և այլն»,-մանրամասնեց Ֆիրդուս Զաքարյանը:
Վերջինս չէր հիշում, թե որքան գումար է ծախսվել համաժողովին նախորդող օրը հրավիրյալների «Փարավոն» ռեստորանային համալիրում ընդունելության համար:
Նշենք, որ ռեստորանի ընտրությունը ֆեյսբուքյան որոշ օգտատերերի շրջանում հարցականներ էր առաջացրել:
Մանրամասները՝ սկզբնաղբյուր կայքում:
