Ազգային ժողովը միաձայն վավերացրեց «Հայաստանի Հանրապետության և Լյուքսեմբուրգի Մեծ Դքսության կառավարության միջև օդային հաղորդակցությունների մասին համաձայնագիրը վավերացնելու մասին» օրենքի նախագիծը:

Համաձայնագիրը վավերացնելու հարցին կողմ քվեարկեցին 94 պատգամավոր:

Համաձայնագրի վավերացման արդյունքում երկու պետությունների միջև օդային հաղորդակցությունները լիարժեք կկարգավորվեն միջկառավարական համաձայնագրի շրջանակներում, ինչը կնպաստի երկու պետությունների միջև զբոսաշրջության և տնտեսական հարաբերությունների զարգացմանը: