![](http://mediamall.am/timthumb.php?src=upload/177354.png&w=300&h=200&mt=1507834408)
Այսօր՝ հոկտեմբերի 12-ին դաժան ու ողբերգական դեպք է տեղի ունեցել Լոռու մարզում: Ժամը 20:35-ի սահմաններում Արտակարգ իրավիճակների նախարարության փրկարար ծառայության Լոռու մարզային փրկարարական վարչություն ահազանգ է ստացվել, որ Վանաձոր քաղաքի Աղայան փողոցի 25 տանը հրդեհ է բռնկվել:
Shamshyan.com-ի փոխանցմամբ, ժամանած հրշեջները քաղաքացիների օգնությամբ սկսել են պայքարել երկհարկանի տան 2-րդ հարկում առաջացած հրդեհի տարածման դեմ:
Հրդեհի հետեւանքով տանը, ըստ նախնական տեղեկությունների, միայնակ մնացող 3-ամյա Էմիլ Խաչատրյանը մահացել է:
Այս պահին նրա մորը՝ 41-ամյա Նաիրա Խաչատրյանին տեղում հոգեբանական ու բժշկական օգնություն են ցուցաբերում բժիշկներն ու փրկարարները: Թե ինչն է եղել հրդեհի պատճառը՝ պարզ կլինի քննության ընթացքում:
Դեպքի կապակցությամբ նյութեր են նախապատրաստվում:
Նշանակվել են մի շարք փորձաքննություններ, այդ թվում՝ դիակի դատաբժշկական, որպեսզի պարզ լինի երեխան ծխախեղդ լինելուց է մահացել, թե այրվածքներից:
![](http://lurer.com/disc/12-10-17/aeb63655422dba70aa6e286ffd558b3d.jpg)
![](http://lurer.com/disc/12-10-17/885dc36d69fb35fcea87e08a3fcd2f8d.jpg)
![](http://lurer.com/disc/12-10-17/2c0583cce42bb3358950953287e40829.jpg)