Նախկին ռուս պոռնոաստղ Ելենա Բերկովան ՌԴ գալիք նախագահական ընտրություններում պատրաստվում է իր թեկնածությունը դնել և դառնալ նախագահ՝ Վլադիմիր Պուտինի փոխարեն:
Պոռնոաստղը Ռուսաստանի Մուրմանսկ քաղաքից է, ով նաև ցանկություն էր հայտնել պայքարել Սոչիի քաղաքապետի պաշտոնի համար: Նա այդ մասին գրառմամբ կիսվել էր ինստագրամի իր էջում:
Երկու երեխաների 32-ամյա մայրը, ով կդառնա չորրորդ կին թեկնածուն, հայտարարել է, որ ՌԴ ղեկավարի պաշտոնում ընտրվելու դեպքում մահապատիժ կսահմանի կանանց նկատմամբ սեռական բռնություն գործադրողների համար:
Թեկնածուն ծրագրում է նաև հնարավորինս բարդացնել ամուսնալուծության գործընթացը, որպեսզի երեխաների խնամքի պատասխանատվությունը չընկնի կանանց ուսերին, բացի այդ՝ ծրագրում է դպրոցներում խստացնել սեռական դաստիարակության հարցը:
